ಆ (ಹಂ) ಗೆಳತಿ

ಪ್ರೀತಿಯ ಗೆಳತಿಯೇ ನಿನ್ನ

ಸಾಧನೆಯ ಮೆಚ್ಚಿ ಅಭಿನಂದಿಸಲು

ತವಕದಿ ಬಳಿಬರಲು ನಿನ್ನ ವತ೯ನೆಯ

ನಿಜ ರೂಪ ತಿಳಿದು ನಾ ಖಿನ್ನನಾದೆ

ಸಾಧನೆಯ ಇನ್ನೊಂದು ಮುಖವೇ

ಅಹಂಕಾರವೆಂಬುದ ನಿರೂಪಿಸಿದೆ

ಇರಬಾರದು ಗೆಳತಿ ಎಂದಿಗೂ

ದ್ವಿಮುಖ ಭಾವನೆಯ ಬುದ್ದಿ

ನಿನ್ನ ಈ ಸಾಧನೆಯ ಕಿರೀಟಕ್ಕೆ

ಅಹಂಕಾರವೆಂಬುದು ಕಳಂಕದ ಗರಿ

ಮೋಸಗಾತಿಯ ಮಂದಹಾಸದ

ಕಿರು ನಗೆಗೆ ನಾ ಮೋಸಹೋದೆ

ಎಲ್ಲರಂತಲ್ಲ ನನ್ನ ಗೆಳತಿ ಎಂಬ

ನಂಬಿಕೆಗೆ ನೀ ದ್ರೋಹಿಯಾದೆ

ನಿನ್ನ ಸಾಧನೆಗೆ ಅಭಿನಂದಿಸಲೇ ? ಅಥವಾ

ನಿಜರೂಪದ ಅರಿವು ಮೂಡಿಸಿದ ನಿನಗೆ

ಧನ್ಯತೆಯನ್ನು ತಿಳಿಸಲೇ ?

ಆದರೂ ಗೆಳತಿ ಹಾರೈಸುವೆ

ಸಾಧನೆಯ ಹಾದಿಯಲ್ಲಿ ಅಹಂ-ಭಾವವು

ಮರೆಯಾಗಿ ಎಂದಾದರೊಮ್ಮೆ

ನನ್ನ ನಂಬಿಕೆಗೆ ನಿನ್ನ ನಂಬಿಕೆಯು ಜೊತೆಯಾಗಲಿ

ಗೆಳೆತನದ ಬಂಧನವಾಗಲಿ