Pages

Subscribe:

Ads 468x60px

Wednesday, December 24, 2008

ನೀ ದೂರವಿದ್ದರೇನಂತೆ ?

ನೀ ದೂರವಿದ್ದರೇನಂತೆ,
ನಿನ್ನ ನೆನಪು ಹತ್ತಿರವಿದೆಯಲ್ಲ:
ನಿನ್ನ ನೆನಪಲ್ಲೇ ಅಪ್ಪಿ
ಮುದ್ದಾಡುವೆ, ಅವಳನ್ನ !

ಚುಟುಕು


ಬಾನ ನೀಲ ಪುಟದ ಮೇಲೆ
ನಕ್ಷತ್ರದಿಂ ಪ್ರೇಮ ಪತ್ರವ ಬರೆದಿಹೆ
ಬೆಳ್ಳಿ ಚಂದ್ರನ ದೀವಿಗೆ ಹೊತ್ತಿಸಿ
ನೋಡಬಾರದೆ....? ಓದಬಾರದೆ...?

Saturday, December 20, 2008

ನಿನ್ನ ಮಾಯೆ

ಬೇಡವೆಂದರೂ ಬಿಡದೀ ಮಾಯೆ
ಕಣ್ಣೊಳಗಣ ಕಸದಂತೆ ಇರಿಯುತಿದೆ
ಗಾಡಾಂಧಕಾರದಲಿ ಬೆಳಕೆಂಬ ಮಾಯೆ
ಸುಖ ನಿದ್ರೆಯಲಿ ಕನಸೆಂಬ ಮಾಯೆ.

ತನುವೊಳಗೆ ಬಿಸಿಯೇರಿಸಿ
ಚಳಿ, ಮಳೆಯೊಳು ತೇಲಿಸುವುದೀ ಮಾಯೆ
ಪ್ರೇಮದರಸಿಯ ಕಾಮದಾಸೆಗೆ ತಬ್ಬಲು
ಮುಳ್ಳಂದದಿ ಚುಚ್ಚುವುದೀ ಮಾಯೆ.

ಪ್ರೇಮ ಕುಸುಮದ ಸುಮದ ಮತ್ತಿಗೆ
ಚೇಳು ಕಡಿಸುವುದೀ ಮಾಯೆ
ಚುಂಬಿಸುವ ಕೆಂದುಟಿಗಳ ಮಧುವೊಳಗೆ
ವಿಷವ ಬೆರೆಸುವುದೀ ಮಾಯೆ.

ನಿನ್ನನೇ ನಂಬಿ ತನು ಮನವನಪಿ೯ಸಿ
ನೀ ಬರುವ ದಾರಿಯಲಿ ಹೂವಾಗಿ ಬಿದ್ದಿರಲು
ತುಳಿ, ತುಳಿದು ಭೂಗಭ೯ಕಂಟಿಸುತ
ಮರಣದುಂದುಬಿಯ ನುಡಿಸುವುದೀ ಮಾಯೆ.